لاہورمیں بہو سے زیادتی کے الزام میں سسر گرفتار

لاہور ملت پارک کے علاقے میں سسر کو بہو کے ساتھ جنسی زیادتی کے الزام میں گرفتار کر لیا گیا۔خاتون کے والد نے 15 ایمرجنسی ہیلپ لائن پر کال کرکے ورچوئل ویمن پولیس سٹیشن میں اطلاع دی۔متاثرہ خاتون کا کہنا ہے کہ سسر نے مبینہ طور پرمتعدد بار زیادتی کا نشانہ بنایا۔ کسی کو بتانے پر سنگین نتائج اور جان سے مارنے کی دھمکیاں دیں۔سسر بیٹے کی غیر موجودگی میں بہو کے ساتھ زیادتی کرتا،ہراساں اور دھمکاتا رہتا تھا۔خاتون کی شکایت پر ورچوئل ویمن پولیس سٹیشن نے فوری کارروائی کرتے ہوئے قریبی پولیس کی مدد سے ملزم کو گرفتار کر لیا۔ پولیس ترجمان کا کہنا ہے کہ ملزم کے خلاف مقدمہ درج کرتے ہوئے مزید قانونی کارروائی جاری ہے۔