بابائے قوم قائداعظم محمدعلی جناح کا 149واں یوم پیدائش۔ دن کا آغاز ملک کی خوشحالی ، ترقی اورسلامتی کے لئے خصوصی دعائوں کے ساتھ
محسن، بانی اور سمجھوتوں پر سودا نہ کرنے والا نڈرلیڈرمحمد علی جناح۔ جن کاوشوں سے آج ہم ایک آزاد وطن میں سانس لے رہے ہیں۔
کوئی نہیں جانتا تھا کہ 25 دسمبر 1876 کو کراچی کے وزیر مینشن میں پیداہونے والا محمد علی جناح برصغیر کے مسلمانوں کی کشتی پار لگائے گا۔1913 میں آل انڈیا مسلم لیگ میں شمولیت اختیار کرنے کے بعد علیحدہ وطن کی تحریک قائد اعظم کی سب سے بڑی ترجیح تھی۔اپنے شب و روز مسلمانوں کے سیاسی شعور کی بیداری کیلئے وقف کر دیے۔
بالآخر 14 اگست 1947 کو برصغیر کے مسلمانوں کا علیحدہ وطن کا خواب پورا ہوا دنیا کے افق پر پاکستان کے نام سے پاک وطن وجود میں آیا۔آزادی کے بعد قائد اعظم کی طبیعت ناساز رہنے لگی اور کئی بیماریوں سے لڑتے لڑتے بالآخر 11 ستمبر 1948 کو ملت کا پاسبان دار فانی سے کوچ کرگیا۔
آج ملک کی خوشحالی ، ترقی اور سلامتی کے لئے خصوصی دعائوں کا اہتمام کیا جارہا ہے۔ ملک بھرکی سرکاری عمارتوں پر قومی پرچم بھی لہلہارہا ہے۔۔بابائے قوم کے خیالات اور نظریات، پیغام اور تصور کو ہر سیمینارز ، کانفرنسز اور مذاکرے میں اجاگر کیا جارہا ہے۔
