سیکورٹی فورسز نے کیچ میں ایک کامیاب کلیئرنس آپریشن انجام دے کر 3 دہشت گردوں کو ہلاک کردیا ہے۔ مارے جانے والوں میں خودکش حملہ آور عدیلہ بلوچ کو تربیت فراہم کرنے والا ثناء عرف بارو بھی شامل ہے۔ سیکورٹی ذرائع کا کہنا ہے کہ ثناء عرف بارو نے عدیلہ بلوچ کو کالعدم تنظیم میں شامل کیا اور اسے خودکش حملے کی تربیت دی تھی۔ ثناء کی ہلاکت عدیلہ بلوچ کے والدین کی معاونت سے ممکن ہو سکی ہے۔ عدیلہ بلوچ کے والدین نے سیکورٹی فورسز کو اس بات کی اطلاع دی تھی کہ ان کی بیٹی کو دہشت گردوں نے اغوا کرلیا ہے اور اسے دہشت گردی کی تربیت دی جا رہی ہے۔ سیکورٹی فورسز نے فوری کارروائی کرتے ہوئے ثناء عرف بارو اور اس کے ساتھیوں کو گھیر لیا اور ان کے خلاف آپریشن شروع کردیا۔ اس آپریشن میں 3دہشت گرد ہلاک ہوئے اور بھاری تعداد میں اسلحہ وگولہ بارود برآمد کر لیا یہ آپریشن سیکورٹی فورسز کی ایک بڑی کامیابی ہے
