کرم میں دہشت گر دوں کی فائرنگ سے 07 ایف سی اہلکار شہید 2 زخمی

* ضلع کرم کے تحصیل وسطی کرم میں دہشت گر دوں کی فائرنگ سے 07 ایف سی اہلکار شہید جبکہ دو زخمی ہو گئے پولیس ذرائع کے مطابق ضلع کرم میں وسطی کرم کے تھانہ چنارک کے علاقے پستونی میں ایف سی 154 ونگ کے اہلکار قریبی بارانی ندی میں معمول کے گشت پر تھے کہ اس دوران گھات لگائے مسلح دہشت گردوں نے ایف سی اہلکاروں پر چاروں اطراف سے فائرنگ کی ۔جس کے نتیجے میں سات اہلکار شہید جبکہ دو زخمی ہو گئے ۔جان بحق اور زخمیوں کو سی ایم ایچ ٹل روانہ کر دیا گیا ہے ۔جان بحق اہلکاروں میں نائس لائک جلال خان ، عارف اللہ ، رحمان چمکنی ،عمران ، مصطفی چمکنی جاوید خان ، اور اویس شامل ہیں ۔ ضلع کرم کے علاقے وسطی کرم میں گذشتہ کئی ماہ سے دہشت گردی کے اس قسم کے واقعات میں اضافہ ہوتا جا رہا ہے ۔یہ علاقہ ضلع خیبر اور ضلع اورکزئی کے قریب واقع ہے