سیکورٹی صورتحال ، گوادر ائیر پورٹ کا افتتاح نہ ہوسکا

گوادر: سیکورٹی صورتحال ، گوادر ائیر پورٹ کا افتتاح نہ ہوسکا
گوادر چیمبر آف کامرس ذرائع کے مطابق گوادر ائیرپورٹ کا افتتاح 14 اگست کو متوقع تھا۔ تاہم آج گوادر ائیر پورٹ کا افتتاح نہیں ہوسکا ۔

ایئرپورٹ کی سافٹ لانچنگ ممکنہ طور پر پاکستانی وزیر اعظم شہباز شریف نے آج 14 اگست کو کرنا تھا ، جبکہ کراچی سے پی آئی اے کی خصوصی پرواز گوادر انٹرنیشنل ایئرپورٹ پر بطور پہلی پرواز لینڈ کرنا تھا۔

خیال رہے کہ نیو گوادر انٹرنیشنل ایئرپورٹ پر محتاط اندازے کے مطابق 54 ارب 98 کروڑ روپے کی لاگت آئی ہے۔ گوادر انٹرنیشنل ایئرپورٹ کے رن وے عالمی معیار کے مطابق بنائے گئے ہیں جس پر ایئر بس 380 سمیت دیگر بڑے طیارے بھی لینڈ کر سکتے ہیں۔
گوادر انٹرنیشنل ائیرپورٹ سی پیک منصوبہ کا حصہ ہے۔