وزیراعظم میاں شہباز شریف نے اپنے حالیہ دورہ چین سے واپسی پر چینی طرز کے کاروباری سہولت مراکز (Business Facilitation Centres) کے قیام کے احکامات جاری کر دئیے ہیں
کاروباری سہولت مراکز (Business Facilitation Centres) کے قیام کے لئے ایس آئی ایف سی کی جانب سے سہولت فراہم کی جا رہی ہے
چین کی طرز پر قائم کئے گئے یہ سہولت مراکز تمام صوبوں میں قائم کئے جائیں گے، جن کی ابتدا اسلام آباد سے ہو گی
چین نے شینژن (Shenzhen) میں کاروباری سہولت مراکز قائم کئے ہیں، جن میں کاروباری لوگوں کو ایک ہی چھت کے نیچے کاروبار سے متعلق تمام خدمات اور سہولیات مہیا ہوتی ہیں
پاکستان میں ان مراکز کے قیام سے کاروباری حضرات کے ساتھ ساتھ مقامی اور غیر ملکی سرمایہ کاروں کو تمام خدمات فراہم کی جائیں گی، جن میں این او ایز (NOCs), لائسنس، اور پرمٹ وغیرہ کا اجراء شامل ہیں
ان مراکز کے ذریعے کاروبار کے آغاز اور بڑھوتری میں حائل رکاوٹیں ختم کرنے کے لیے متعلقہ حکومتی اجنسیوں کو یکجا کر کے تمام دستاویزات کم وقت میں فراہم کئے جا سکیں گے
