لاس ویگاس: ٹرمپ ہوٹل کے باہر سائبر ٹرک میں دھماکاایک شخص ہلاک اور7 زخمی

امریکا میں نومنتخب صدر ڈونلڈٹرمپ کے ہوٹل کے باہر سائبر ٹرک میں دھماکے سے ایک شخص ہلاک اور 7 افراد زخمی ہوگئے۔ امریکی میڈیا کے مطابق امریکی شہر لاس ویگاس میں ہوٹل کے داخلی دروازے پر ٹرک میں دھماکے سے آگ لگ گئی۔ فائر بریگیڈ نے آگ پر قابو پالیا ۔حکام کے مطابق ٹرک میں ایک شخص مردہ پایا گیا۔ صدر جوبائیڈن کا کہنا ہے نیواورلینز واقعے اور لاس ویگاس دھماکے میں ممکنہ تعلق کی تحقیقات ہو رہی ہے۔ادارے سائبرٹرک دھماکے کا سراغ لگا رہے ہیں۔ ایلون مسک کا کہنا ہے سائبر ٹرک میں دھماکا ممکنہ طور پر دہشت گردی ہے۔