پاکستانی ون ڈے اسکواڈ کے کھلاڑیوں کی وطن واپسی،ٹیسٹ سیریز 26دسمبر سے شروع ہوگی

پاکستانی ون ڈے سکواڈ کے کھلاڑی براستہ دوبئی پاکستان کے لیے روانہ ہو گئے۔
شاہین شاہ آفریدی، حارث روف، سفیان مقیم ، طیب طاہر ، عثمان خان ، ابرار احمد ، عرفان خان اور محمد حسنین پاکستان روانہ ہوئے ۔ون ڈے اسکواڈ میں شرکت کرنےوالے باقی کھلاڑیوں نے ٹیسٹ اسکواڈ کو جو ہانسبرگ میں جوائن کر لیا۔ٹیسٹ اسکواڈ جوائن کرنے والوں میں بابر اعظم ، محمد رضوان ، صائم ایوب ، نسیم شاہ ، سلمان علی آغا ، کامران غلام ، اور عبداللہ شفیق شامل ہیں۔قومی ٹیسٹ سکواڈ منگل سے سنچورین میں پریکٹس کرے گا ۔قومی ٹیسٹ سکواڈ مقامی وقت کے مطابق ساڑھے بارہ بجے پریکٹس شروع کرے گا ۔پاکستان اور جنوبی آفریقہ کے درمیان پہلا ٹیسٹ میچ 26 دسمبر کو شروع ہوگا۔