کراچی سفاری پارک میں موجود ہتھنی سونیا عرف سونومرگئی

کراچی کے سفاری پارک میں موجود ہتھنی سونیا عرف سونومرگئی۔ ہتھنی سونو کی عمر 22 سے 23 سال کے درمیان تھی اور اسکی موت گزشتہ رات ہوئی۔ ہتھنی سونو اور ملکہ پہلے سے سفاری پارک میں موجود تھیں جبکہ چند روز قبل چڑیا گھر سے ہتھنی مدھوبالا کو سفاری پارک منتقل کیا گیا تھا۔سونو کے مرنے کے بعد اب سفاری پارک میں 2 ہتھنیاں باقی رہ گئی ہیں۔ڈائریکٹرسفاری پارک امجد زیدی کا کہنا ہے کہ ہتھنی کی موت گزشتہ رات ہوئی۔ڈائریکٹر سفاری پارک نے مزید بتایا کہ ابتدائی طورپر ہتھنی کی موت کا سبب ہارٹ اٹیک لگ رہا ہے تاہم پوسٹ مارٹم کے بعد ہتھنی کی موت کی وجہ معلوم ہوگی۔سفاری پارک ذرائع کے مطابق کہ ہتھنی سونوکا پوسٹ مارٹم 2 دنوں بعد فور پاز کے عامر خلیل کے آنے کے بعد ہوگا۔ ہتھنی سونیا کی ڈیڈ باڈی کو برف لگا کررکھا گیا ہے۔